Ua maua I se imeli mai le uafu I Aukilani le faapopoleina o le aufaigaluega I le mamafa o galuega
Ripoti a le Newshub o loo taua ai se imeli na liki I tua mai le pulega o le uafu I kamupani o loo gafa ma faamomoli mai fafo
Maua foi o le faamavae o nisi o le aufaigaluega ma le mamafa o galuega ua atili ai ona faigata ona faafoi galuega a le uafu I Aukilani e pei ona masani ai
E oo atu I le tolu vaiaso lea o loo faatalitali ai I gatai o le uafu le tele o vaa lauoloa o loo omai ma uta mo le Kerisimasi, ona o le tuai ona mau avanoa e taula ma kilia ai I le uafu
Tusa ma le 27 nisi tagata faigaluega e iai le tomai faapitoa mo le faafoeina o lifi o loo faaaogainga e le uafu o loo moomia vave, ma e faapea e le o maua I totonu o Niu Sila ma ua faatalosaga ai e le pulega le malo mo se fesoasoani ina ia saili mai fafo O le imeli lenei ua faatoese ai foi ma le pule sili, Tony Gibson I kamupani ua aafia, ona o le faatuai ona maua o oloa mai fafo, ma ua faailoa foi o loo galulue malosi le uafu ma lana aufaigaluega I le mafai e oo iai ina ia vave ona kilia uta mai fafo
