Ua toe faatalosaga e kolisi maualuluga le toe silasila i su’ega fou NCEA literacy ma le numeracy.
O se talosaga ua sau ai i le mae’a foi mai o faai’uga o su’ega e faitau afe talavou e lē pāpasi, ma o le toatele o i latou nei o fanau Maori ma Pasefika.
O su’ega nei na faia i le masina o Me, ma o le matematika lea e maualalalo ai maka.
E 55,468 fanau na su’e ma o le 30,196 e lē pāpasi, tusa lea ma le 54%.
O le ‘afa o i latou e lē ausia maka e pasi ai o fanau Maori ma Pasefika, lea e faapea o le 77% o Pasefika ma le 71% o Maori.
I su’ega o le reading, 54% fanau Maori ae 63% fanau Pasefika e lei pasi, ma le writing o le 55% o fanau Maori ma le 56% o Pasefika.
A o molimauina ai pea le pa’ū o le pasene o fanau Maori ma Pasefika i su’ega nei, ua fesiligia e le asosi o faia’oga le uiga o le faia pea o nei su’ega ae mai le asosi o puleaoga o kolisi maualuluga, ua tatau ona toe fetuutuuna’i.
I luga o le upega tafailagi a le Qualifications Authority, o isi su’ega o lea ua faatulaga e faia i le masina fou.
Puna o Faamatalaga: Low pass rates in new online NCEA literacy, numeracy tests worry secondary teachers | RNZ News
