O le toatele o I latou na taofia e leoleo ananafi I tuaoi o Aukilani, na o latou faailoa I leoleo o loo toe foi I o latou aiga
O lea ua toe faia foi poloka a leoleo I tuaoi o Aukilani e siaki ai feoaiga, ao toe faatapulaa ai feoaiga mo tagata omai I totonu ma agai ese atu ma Aukilani
O le sau o le faasilasilaga a le tamaitai palemia I le po o le Aso Toonai, na ia faamanino ai o loo mafai ona toe foi I latou o loo I Aukilani i o latou aiga, atoa ai ma tagata agai mai I Aukilani mo galuega ua taua o essential workers
Ma I se vaaiga I le po o le Aso Toonai ae e le I taina le 6 ananafi I le taeao lea na amata aloaia ai le lockdown a Aukilani, o lea lava na amata pisi ma poloka auala I taavale tuua Aukilani, oo mai ai ananafi ripotia mai le uumi o kiu oo atu I le 6 itula na faatalitali ai nisi o taavale faatoa oo I luma
Ese mai I poloka o taavale o ese atu ma Aukilani, o lea foi na ripotia mai e le Herald anapo na faapea foi le agai mai I totonu o Aukilani, ma ua faaalia ai e nisi o molimau a avetaavale na aafia I le poloka le le fiafia ma le faateia ona e le I mafaufauina o le a poloka ai ma le toe foi mai I totonu o Aukilani Na amata mai poloka a leoleo I tuaoi o Aukilani I na I minute talu ona faatoa uma le faasilasilaga na sau I le po o le Aso Toonai
