O le poloa’iga a le faamasinoga i le po anapo ua taofia ai le Iuni mai le faia o solo tetee i le asō ina ua lē manuia talanoaga sa faia a le Sydney trains.

Fai mai le 9News ua taofia iuni o tagata faigaluega i auaunaga ia ona toe faatino nisi solo tetee i le mae’a o talanoaga i totogi ma le faigamalo a NSW ma ua lē taunuu i se tasi.

Fai mai le Premier o Niu Sa Uelese, Chris Minns e lē mafai ona ia tali ioe i mana’oga o le Iuni ae teena isi talosaga mai tausi soifua ma isi tagata faigaluega.

O le popolega la ne’i aafia auaunaga tau trains i le aga’i atu i le Kerisimasi ua ave ai e le Transport for NSW le iuni lea a le Rail Tram and Bus Union i le faamasinoga e taumafai ai e poloka nisi tetee e ono faia.

Ua faamatuu ane ai i le po anapo e le faamasinoga a le Federal Court se poloa’iga e faasā ai ona toe faia ni tetee.

Na faailoa le lē fiafia o le Iuni i le faai’uga mai le faamasinoga ma o latou ta’ua ai o le faalauiloa faalaua’itele e le Premier o le faamatalaga e faapea ua faigatā ia te ia ona ioe ona o le silasila i isi auaunaga ae uma ane folafola le ave o le iuni i le faamasinoga, ua faamauina ai se aso aupito faamāina lea mo le vaega faaupufai o le Leipa i Niu Sa Uelese ma o se osofa’iga foi lea i tagata faigaluega uma i setete o Ausetalia.

Puna o Faamatalaga: https://www.9news.com.au/national/sydney-trains-nsw-premier-chris-minns-government-seek-court-injunction-strikes/c097803e-61d4-4d08-ac43-121a0e443d95