Ua telē le pa’ū o tupe faaalu a le malo mo emergency housing i le masina lea faato’ā uma atu.
O tupe nei o loo totogi e le malo mo tagata ua moomia vave ni fale e faamautū lē tumau ai, ma i faamaumauga a le matagaluega a le Social Development, e $10.7 miliona lea na faaalu i le masina o Aokuso.
O se pa’ū tele pe a faatusa lea i le $15.6 miliona na faaalu i le masina o Iulai ma o lea toeitiiti vaetolu le pa’ū ua faamauina.
O Aukilani lea e tele ai lava le pa’ū o tupe faaalu i emergency housing.
A tuu mai foi i le fuainumera o fanau o loo nonofo i emergency housing i le umi e silia ma le 12 vaiaso, o lea foi ua maitauina le telē o le pa’ū.
E uma ane Aokuso o loo iai pea le 207 tagata i emergency housing, pa’ū mai le 309 na iai i le masina o Iulai ae 646 sa iai i le faai’uga o Aperila.
O le masina o Aperila o le tausaga nei, poo le taimi lea na amata faamalosia ai e le malo le tatau ona faia suiga, lea ua maitauina ai le amata sau i lalo o le to’atele o tagata e nonofo i emergency housing.
Puna o Faamatalaga: Government spend on emergency housing drops nearly a third in a month | RNZ News
