O faamaumauga fou mai le Stats NZ ua iloa ai le pa’ū ifo i le 6.7 pasene ua faaititia ai le inflation rate i le kuata lenei mai ia Mati.

Fai mai sa iai le talitonuga o i latou e tele le tomai i le matata lea o le a maualuga pea le tulaga o le inflation i le taimi nei i le va o le 6.9 ma le 7.2 pasene peitai o lea ua faailoa ua itiiti atu nai lo le tulaga sa faatalitalia. 

Saunoa le pule o le Stats NZ, Nicola Growden o loo maualuga pea le aofaiga o iai nei le inflation pe a fua i le vaitausaga o le 1990.

O le tala Niu Sila ua pa’ū lona malosi pe a faatusa i le 61.75 sene Amerika o loo faamauina ai i le taeao analeila.