Ua pasia i le Senate i Ausetalia nei tulafono fou o le a soloia ai le faitau selau o tupe mai aitalafu a le faitau miliona o tamaiti a’oga i iunivesite.
O lea tulafono fou o le a suia ai totogi o aitalafu i le Hecs ma le Help, lea e maua ane ai le fesoasoani i pili o tamaiti a’oga i iunivesite.
O le tulaga e masani ai e fua le totogi o nonogatupe a tamaiti a’oga i le consumer price index lea e mafua ai ona oo atu pasene o nisi nonogatupe i le 71 pasene pei o le tausaga na te’a nei, peitai i lalo o tulafono fou ia o le a fua ai le totogi i le tau aupito maualalo o le tau o auaunaga ia pe fua foi i totogi.
O lona uiga e oo atu i le $1,200 o le a faaitiitia mai nonogatupe.
O le amataga o le masina nei na folafola ai e le Leipa o le a o latou faapa’ū ese le 20 pasene mai nonogatupe a tamaiti a’oga pe a o latou malo i le palota o le a sosoo mai.
Ua saunoa le minisita o a’oga, Jason Clare o se laasaga muamua lea i le faatulagana o reforms e pei ona fautuaina ane e le Australian University Accord lea la ua faatinoina.
Fai mai le minisita o lea la ua pasia le tulafono ma o le a amata loa ona tuuina ia faamāmā avega i tamaiti a’oga o iai nonogatupe.
Puna o Faamatalaga: https://www.9news.com.au/national/hecs-debt-laws-to-cut-3-billion-from-university-debts-pass-senate/a628c80c-9ad9-4a8c-af2c-a1eb544d437b
