Ua sainia nei se maliega tāua i le va o atunuu e tolu o le Pasefika, o le Marshall Islands ma isi atumotu e pei o Papua Niu Kini ma le FSM ua loa tausaga o taumafai pea se faiga e maua ai ni fesoasoani tau tupe mai le fagotaina o le tuna mo pisinisi.
Fai mai lipoti a le Leitio faavaomalo a Niu Sila o le 2010 na faataunuu ai e le Nauru agreement le Vessel Day Scheme lea sa faatalanoaina le mataupu lava lea o le maua o se vaegatupe tele mai le fagotaina o le tuna e pei ona tele tupe o loo maua ai e isi kamupani tetele.
O le fonotaga a atunuu auai i lea maliega sa faia i Honiara i le vaiaso talu ai na faalauiloa ai loa ma le East New Britain Initiative e galulue faatasi ai ma Papua Niu Kini ma o se tasi o faamoemoe autū o le maua ai lea o galuega a tagata Pasefika ma faamautū ai le ‘oa o loo maua mai i atuvasa o le Pasefika o le a faatumauina pea i totonu o o latou tamaoaiga.
Puna o Faamatalaga: https://www.rnz.co.nz/international/pacific-news/543581/east-new-britain-initiative-fsm-marshall-islands-and-papua-new-guinea-sign-tuna-deal
