O le asō lea e tagofia ai e le Palemene a Papua Niu Kini le lafo o le lē faatuatuaina faasaga i le Palemia o le atunuu, James Marape.
Ua faatonuina e le Faamasinoga Maualuga a Papua Niu Kini le Maota ina ia toe faaauau taualumaga i le lafo lea ina ua mae’a ona teena lea lafo e le komiti faapitoa a le Palemene i mataupu faapisinisi.
Ua lipotia e le leitio faavaomalo a Niu Sila o se teuteuga a le malo e faia i le faavae i mataupu e faatatau i lafo faapea aemaise o le piliota e ao ona tuuina faato’ā mafai ona faaulu se isi lafo faapea i totonu o le Palemene.
O loo talitali la le to’atele o tagata Papua Niu Kini i le i’uga o lea mataupu i le Palemene.
Puna o Faamatalaga: https://www.rnz.co.nz/international/pacific-news/558187/png-parliament-to-debate-no-confidence-vote-against-marape
