Ua pasia nei e le Palemene a Papua Niu Kini se teuteuga i le faavae o lona atunuu ua iloa ai o se atunuu Kerisiano.
O le faaiuga na faia i le aso ananafi na vaaia ai le palota uma o le 80 i le ioeina o lea faamoemoe ae nao le toafa sa teena.
O lona uiga o le teuteuga ua tuuina ai ma se folafolaga i le faavae ma faapea ai e amanaia ma faailoa o le Atua le Tama ma Iesu Keriso lona Alo ma le Agaga Paia , o lē na faia le lalolagi atoa faapea ona malosiaga ma pule.
E le gata i lea ae ua amanaia ai foi le Tusi Paia o se faailo a le Malo.Saunoa ai le palemia James Marape i lona fiafia tele i le faaiuga o lenei mataupu.
Puna o Faamatalaga: https://www.rnz.co.nz/international/pacific-news/544665/papua-new-guinea-declares-christian-identity-in-constitutional-amendment
