O le iai i Samoa o nisi o tama filifilia o le tatou aulakapi o le Manu Samoa auā taaloga faitaulia ma Italia ma Sepania, ua maua ai ma le avanoa o nisi o le ‘au o loo faamautu i fafo e toe asiasi i o latou aiga.
O le susuga ia Duncan Pa’ia’aua na faaee iai e lona aiga i Mutiatele i Aleipata le suafa matai o Feagaimafaleupolu, ma o se faafotu na auai nisi o le pulega o le aulakapi a le atunuu ma tama o le Manu Samoa e lagolagoina le faaaloalo maualuga a le aiga mo se tasi o a latou tamafanau.
Le susuga Su’a Hesed Ieremia o le taitai malaga o le Manu Samoa.
