O le to’alua o lē sa avea muamua ma Peresetene o le atunuu o Palau, Johnson Toribiong na taofia i Saipan i le aso ananafi ona o se poloa’iga e pu’eina ai o ia.
Ua lipotia e le RNZ ua faamaonia e le matagaluega o le Saogalemu Lautele a Palau, o Christa Toribiong sa pu’eina ina ua ulufale i le malaevaalele faavaomalo i Saipan i le Northern Marianas ona o moliaga sa faia faasaga ia te ia i le setete o Texas i Amerika.
E aofia ai i ia moliaga le faaoolima e faaaogā ai se a’upega.
O le tamaitai ua pu’eina o se loia ma o loo feta’ua’ina ua talosaga e tatala le la faaipoipoga ma lē sa avea ma Peresetene o Palau ma e lē o mailoa i le taimi nei le tulaga o le la mafutaga ae o lipoti aupito lata mai o le mataupu ua ta’ua ai ua toe tatala i tua Christa.
Fai mai le ta’ita’i leoleo o Simon Manacop, o soligatulafono a lea tamaitai na faila i Texas ae na te le’i solia le tulafono i le Northern Marianas, e ui o se teritori o Amerika.
Puna o Faamatalaga: https://www.rnz.co.nz/international/pacific-news/536340/wife-of-ex-palau-president-released-a-day-after-arrest-in-saipan
