O le Peresetene o le faigamalo a Palau, Surangel Whipps Jr na te matua’i lagolagoina se fonotaga e faatatau i suiga o le tau e ta’ita’ia e Ausetalia mo le tausaga fou 2026.
O loo iai nei i Sini le alii Peresetene e faalauiloa nisi o auaunaga tau malosi’aga ma lagolago i le tauofo a Ausetalia mo lea fonotaga le COP31.
O le vaiaso talu ai sa faia ai se faamatalaga a le ta’ita’i o le Itu Agai a Ausetalia, Peter Dutton e faatatau i lea fonotaga, fai mai a ia e faitau piliona tupe a le autotogi lafoga a Ausetalia o le a faaalu ai ma o se mea latou te lē lagolagoina.
Na saunoa Whipps Jr, e lototele e mafai ona galulue faatasi Ausetalia ma le Pasefika i se tulaga faapaaga i le mataupu lea e faatatau i suiga o le tau.
Puna o Faamatalaga: https://www.rnz.co.nz/international/pacific-news/557721/we-cannot-let-this-moment-pass-palau-leader-is-all-in-for-australia-led-pacific-cop
