Lipotia mai le osofaia o se tagata na agai atu i sana uilaafi ma le fu’a a Isaraelu, osofaia i Melepone i le taulaga faatau.
O videos ua faailoa i luga o upega tafailagi ua faailoa ai se tamaitai o loo ata ma tuli le tagata lea o loo i luga o le uila ma taumafai e aveese mai le fu’a a Isaraelu mai le uilaafi.
O loo iloa atu ai foi le pa’ū i lalo o lē sa i luga o le uila ae agai atu ai isi alii e toalua ma faaoolima iai.
O nai tagata na lalata ane na taumafai e taofi le vevesi lea ae ua molimau le alii tietie uila o Ronen Martin Cohen i le aufaasalalau ua faapo ia e ia tagata ma sa o latou faaoolima ia te ia.
Ua faamaonia mai e leoleo o loo latou suesueina le mataupu ma e matuai leai se avanoa o uiga faapea ma faailogalanu i totonu o Vitoria.
O loo faia pea nei le suesuega i lea mataupu.
