E to’afā alii ua pu’eina e leoleo i osofaiga na faia i le taeao po i le sailiga o le tagata na fasiotia le talavou mai Sini o Omar Elomar i le lua tausaga talu ai, fai mai leoleo o se vevesi a tamaiti aoga ae ua faifaitetele.
Ta’ua e le 9News i le asō o i latou na pu’eina e leoleo e amata mai le 20 tausaga agai i le 25 tausaga le matutua i osofaiga na faia e leoleo a o lei taina le ono i le taeao analeila. Na pu’eina mai i fale i Bonnyrigg, Macquarie Fields, Gregory Hills ma le itu i Saute i Sisifo o Sini ma le taulaga o Orange i Niu Sa Uelese lava.
Ua aveina atu i ofisa o leoleo mo su’esu’ega ma ua fuafua o le a molia ai. Fai mai le ta’ita’i o le su’esu’ega e malosi lo latou talitonuga i molimau ua o latou maua e molia ai i latou ia. O loo ta’ua foi i le lipoti e foliga o le faalavelave na tupu e mafua mai se vevesi i luga o le social media ma isi talavou e to’alua ma iu ai ina faifaitetele ma uma ai le soifua o Omar.
Edited
