O le iuga o se lipoti ua faalauiloa i le vaiaso nei mai le Royal NZ College of Practiioners ua faailoa ai toeitiiti 2/3 GPs ua fuafua e litaea i totonu o le isi 10 tausaga. 

Fai mai le lipoti o le 79 pasene o GPs na faia iai le suesuega ua o latou faailoa lagona o le matuai vaivai mai le galuega ae toeitiiti tasi vae tolu ua o latou faailoa o le a o latou le fautuaina ni tagata e agai i lea ituaiga galuega. 

O le faamatalaga la mai le peresetene o le kolisi lea Dr Samantha Murton ua ia ta’ua afai la o e silia ma le 400 o GPs lea ua silia ma le tai 64 tausaga le matutua o le a litaea e amata atu taeao, o lona uiga toeitiiti 750 afe o tagata Niu Sila o le a leai ni a latou fomai faaleaiga.

Fai mai Murton e manaomia nisi galuega e faatino i le tulaga pe aisea e lagona ai e fomai le vaivai ma le lēlavā mai galuega.

O le isi itu o loo ta’ua i le lipoti e le o latalata ane totogi o fomai ia i fomai faapitoa poo specialists ae maualuga tele le aofai o gasegase e vaai e le GP i le aso e tasi i lana auaunaga.