Ua ofo mai se tasi o kamupani tuto’atasi o loo ia fausia falema’i, e mafai ona fesoasoani i le fausia o le falema’i i Dunedin.

O le vaiaso talu ai lea na sau ai le tala mai le mālō ua toe vaavaai e faia suiga i le falema’i fou, ma o suiga nei e le maua uma ai le ata o le falema’i na muamua fai mai ai ona ua le lava le paketi.

E lei faigofie i le to’atele o tagata o loo nonofo i le South Island lenei faasilasilaga, ma o le to’atele na faaali lo latou faanoanoa i le solo tetee tele na faia.

A o faatali ai pea la se tala aloa’ia poo le ā le isi sitepu o le a oo iai, ua fai mai le Vital Healthcare Property Trust lea o loo ia toe lisiina nisi o fale o loo faaaogā mo auaunaga tau le soifua mālōlōina aga’i i le mālō i le taimi nei, o loo ia augofie e fesoasoani i lenei galuega tele.

O se ofo e faapea e mafai ona ia faia, mulimuli ai ia toe lisiina atu i le mālō i totonu o se piriota umi.

Puna o Faamatalaga: Private company Vital Healthcare offers to help build Dunedin Hospital | RNZ News