O Melepone lea ua faaigoa nei o le aai aupito telē i Ausetalia, Australia’s biggest city i le mae’a o le tusigaigoa sa faatino e le ofisa o fuainumera faamauina a Ausetalia le Australian Bureau of Statistics i le 2021.
O le census poo le tusigaigoa lea ua suia ai le faatulagana o le aai o Melepone lea ua faaaofia atu ai ma le itumalo o Melton ma oo atu ai ma le faitau aofai o tagata i Melepone i le 4 miliona 900 afe.
O lea la aofaiga ua sili ai loa tagata i le aai o Melepone nai lo Sini, lea fai mai le Bureau o le iuga lea o le vave faatupulaia o le aofai o tagata i totonu o Melepone.
O loo tumau pea le toatele o le faitau aofai o Greater Sydney poo le aotelega o Sini nai lo le aotelega o tagata i Melepone peitai fai mai le lipoti e iu foi ina vave ona suia lea tulaga i ni nai tausaga o i luma.
