Ua faalauiloa e le Malo ana fuafuaga mo le toe fetuuna’iga o le Emergency Management System a le atunuu e fua i fautuaga e 14 sa faia mai i se lipoti mai se su’esu’ega na faia i le tausaga talu ai i le mae’a o uiga loulouā o le tau sa aafia ai le atunuu.
O le tali a le Malo i le su’esu’ega lea na o latou folafola ai o le a faia ni gaioiga i fautuaga ia i totonu o le isi 5 tausaga ma sa faaāta o le tau e faatino ai ia gaioiga o le a avea o se lu’itau.
Saunoa le minisita e feagai ma le mataupu lea, Mark Mitchell ma lipotia i le televise tasi, ua maitauina le tāua o le faaauau pea o inivesi i lea taimi ma lea taimi ina ia faia ai suiga faapea.
Ta’ua e le minisita e lē o se galuega e vave ona faatino fuafuaga ua faataatia ona e fai si faigata.
Ua faailoa foi e le minisita i le Morning Report o lana faamuamua o loo ave i le inivesi i tagata o loo galulue i le faatinoina o galuega tau faalavelave faafuase’i ma le faatonutonuina aemaise o se nofoaga o le National Emergency Facility i Ueligitone e $10.5 miliona lona tau ma se isi nofoaga faapea e fia faia i Aukilani.
O ia nofoaga e tatau ona mae’a ona fausia i le 2026 poo le 2027.
Puna o Faamatalaga: https://www.1news.co.nz/2024/10/10/government-to-overhaul-emergency-management-system/
