Ta’ua i lipoti a le Newstalk ZB i le asō o le a tapunia le South Auckland Foodbank sa maua ai le fesoasoani a le oo atu i le afe o aiga i le vaiaso, le auaunaga a Dave Letele.

O lana faatalanoaga ma le Herald e pei ona ta’ua i lea lipoti na ta’ua ai sa faailoa lea tala i lana aufaigaluega i le taeao analeila.

O lea auaunaga sa maua ane le $87 afe o le fesoasoani a le Malo peitai ua ta’ua i le lipoti o le a faasolo ina faaitiitia ana galuega fai i le aga’i atu i le Kirisimasi ma tapunia ai loa.

Faailoa e Letele i le lipoti e faigata tele le tulaga ua iai ma ua lē mafai ona faaauauina lea tautua ona ua leai foi se faaputugatupe mo totogi o si aufaigaluega faapea foi le lisi o le fale.

Saunoa foi Letele e oo i le va o le 700-1000 aiga e fesoasoani iai le foodbank i le vaiaso a o tulaga lelei le auaunaga peitai o le taimi nei e i le va o le 150-200 aiga e aofia ai ma aoga ma kulupu a le komiuniti o loo fesoasoani iai.

Faailoa e Letele o se faai’uga faigata tele peitai o se faai’uga ua tatau ona faia.

Lausilafia e le to’atele sia foi tamalii ma lana auaunaga fesoasoani i le komiuniti.

Puna o Faamatalaga: https://www.newstalkzb.co.nz/news/national/community-advocate-dave-letele-to-shut-down-south-auckland-foodbank-citing-costs/