Ua faatulaga o le a siitia le tau o le eletise i setete e pei o Niu Sa Uelese, Kuiniselani ma Ausetalia i Saute e pei ona faailoa i se lipoti i le asō. E faitau miliona tagata i totonu o le tolu setete lea o le a feagai ma le siitaga i tau o le eletise ina ua faatagaina e le Regulator le faia o ia siitaga.
O le Australian Energy Regulator ua o latou folafola o le a amata faamamalu lea suiga i le aso muamua o Iulai o le tausaga nei, o lona uiga la o le a aafia uma ai fale i setete e pei ona ta’ua. Ua siitia e le faigamalo a le Feterale le Default Market Offer (DMO) o le tau aupito maualuga lea e mafai ona oo iai se siitaga.
O le setete o Niu Sa Uelese ua faamauina o le a siitia le tau o le eletise mai le 8.5 pasene i le 18.3 pasene.
