O Samoa le isi atunuu o le a afea i le faigamalaga a le Tupu o Peretania ma lana Masiofo i le masina o Oketopa o le tausaga nei pei ona agiga i lipoti i le asō mai Buckingham Palace.
O le la malaga e afea ai ma Ausetalia ma ua faamaonia foi nisi o polokalame ua faatulaga mo lea faamoemoe i NSW ma le ACT.
Ua faailoa e se sooupu e pei ona lipotia e le One News, o le a lē afea Niu Sila e le faigamalaga ma ua fautuaina foi e a la fomai e ao ona alofia polokalame faaumiumi ma ia mata’itū foi le soifua maloloina o le Tupu o Salesa.
O le 2019 le taimi mulimuli na afea ai Niu Sila e Salesa ma Camilla a o avea Salesa ma Pelenise o Uelese.
E lei faailoaina mai le polokalame pe a taunuu i Samoa ae ua faailoa i le lipoti o le a faamanatu ai le sootaga malosi ma le United Kingdom.
Puna o Faamatalaga: https://www.1news.co.nz/2024/07/15/king-charles-and-camilla-to-tour-australia-and-samoa-missing-nz
