E iai mataupu tau mental health e lē tatau ona tāpā ai fua le fesoasoani a leoleo ma o lea ua fai mai ai le ofisa ua toe silasila nei i faiga ina ia iai se faatapulaa.
Ua lipotia e le leitio faavaomalo a Niu Sila, o lea e iai lava taimi e valaau atu ai falema’i e lē tatau ona oo atu fua i le ofisa, ma o mataupu nei e aofia ai le siitia o gasegase i isi potu poo le teena foi e le ma’i o ana fualaau e tatau ona inu.
Ua fai mai ai le ofisa ua vaavaai ai ia faatapulaa taimi ma mataupu e mafai ona tali mai, ma o lea foi e faasolo feiloa’iga ma sui o le soifua mālōlōina e tusa ma nei fuafuaga.
O mataupu nei e aafia ai gasegase mental health, ma o le masina o Novema faasolo atu i le tausaga fou lea e auaua’i ai suiga o le faatapulaa ua faailoa mai ai e le ofisa o leoleo.
Puna o Faamatalaga: https://www.rnz.co.nz/news/national/529350/police-to-refuse-inappropriate-requests-for-help-as-part-of-mental-health-pullback
