Ua faamaonia lava o le a faatau se tasi o nofoaga e agai iai le toatele o tagata tafafao mai i Sini, le Luna Park ma o loo ta’ua o lona tau pe lata i le 70 miliona.

Fai mai le 9News o le fanua o loo iai i luga le Luna Park e umia o se meatotino a le malo, le Luna Park Reserve Trust ma e tatau ona tumau pea o se nofoaga faafiafia e tusa lava pe faatau ese.

O se nofoaga e masani ona tumutumu i aiga mo tafaoga aemaise le fanau e fiafia i le tele o rides ma mea faasee aemaise le anoano o taaloga.

O le uluai taimi na tatala ai le Luna Park o le 1935 i le mae’a o le tatalaina o se tasi foi paka tele faapea i Niu Ioka i Amerika.

E tele taimi sa tapunia ai mo galuega faaleleia ma nisi faalavelave na aofia ai ma o le kamupani o loo umia i le taimi nei o Brookfield ua o latou ta’ua i le lipoti ua oo i le taimi sa’o e pasi atu ai foi le nofoaga i se isi pulega fou.

Puna o Faamatalaga: https://www.9news.com.au/national/luna-park-sydney-for-sale/5b42f022-0612-4561-b86e-72ac0dca8c3c