Ua tuufesili nei poo fea lea ua nimo iai le alii faipisinisi iloga mai Saina, le alii pilionea ia Jack Ma
O Ma o ia lea na faavaea mai le Alibaba o loo fefaataua’I ai le toatele I luga online, ma o le taimi mulimuli na vaaia ai o le masina o Oketopa o le tausaga talu ai
O le taimi tonu foi lea na ia lauga faalauaitele ai ma faaalia lona le talitonuina o le faigamalo a Saina ma faletupe ona o le taofiofi o suiga tau tekonolosi
E le I fiafia ai ma le malo ma faatonuina loa le faia o suesuega I totonu o le kamupani a Ma, tasi le vaiaso mulimuli ane ae samania loa le alii pilionea ma lana vaega I Beijing, ma o le taimi mulimuli foi lea na vaaia ai
O Ma o se alii faipisinisi e le taofiofia lona finagalo faatatau I le faigamalo a Saina, ma e le o le uluai taimi lea ua faia ai ni ana saunoaga faalauaitele e tuuaia ai le malo
