O loo tuufesilisili nisi i le taimi e sui ai le taimi i Ausetalia ma ua toe faamanatu ai i tusitusiga i le amataga o lenei vaiaso e pei ona masani ai, e tasi le itula e toe tuu ai i luma le taimi i le tele o setete.
O Niu Sa Uelese, le ACT, Victoria, South Australia ma Tasmania e tutusa taimi e sui ai a latou taimi peitai o Kuiniselani, Western Australia ma le Northern Territory e lē suia.
O le Aso Sa o lumana’i, aso 6 o Oketopa e sui ai le taimi i le ta o le lua i le vaveao o lona uiga o le ta lea o le tolu pe a toe tuu i luma le taimi.
O lona uiga o le a iai foi le eseesega i taimi i setete, faata’ita’iga o le ta o le 12 i le aoauli i Niu Sa Uelese, ACT, Victoria ma Tasmania, o le ta lea o le 11 i Kuiniselani, ‘afa le 11 i Ausetalia i Saute, ta le 9 i le taeao i Ausetalia i Sisifo ae ‘afa ai le 10 i le taeao i le Northern Territory.
E faato’ā toe suia ai le taimi pe a aulia le tausaga fou ia Aperila.
Puna o Faamatalaga: https://www.9news.com.au/national/daylight-savings-time-2024-australia-when-to-move-clocks-forward-an-hour-when-does-it-start-explainer/15db115f-c216-4518-bff3-2e88cd8cc12a
