O tulafono fou e faatatau i fualaau i Niu Sa Uelese e ono taofia ai le oo atu o le faitau afe o tagata i le faamasinoga ae iu ina faateteleina ai fines poo salaga tupe, e pei ona saunoa iai se tasi e tele lona silafia i le tulafono.
O le vaiaso nei ua folafola ai e le faigamalo a Niu Sa Uelese o le a tuuina le malosiaga i leoleo e tuuina atu ai faasalaga tupe e tai 400 mo tagata e maua o faaaogāina pe umia foi ni fualaau faasāina.
O ia faasalaga o le a faamalosia ai ona faia se polokalame e faatatau i fualaau faasāina ma le avamalosi ma o le a toe faalēaogāina ai faasalaga pe a uma ona faamae’a lelei le polokalame e pei na ta’ua.
Fai mai e faamauina e leoleo le oo atu i le 32 afe o mataupu faapea e aofia ai fualaau faasāina i le tausaga na tea nei i NSW, o le 19 afe o ia mataupu na oo uma i le faamasinoga.
