O se tasi alo o Samoa o Tauiliili Alpha Maiava e aumau i Niu Sila o loo iai nei i sana faigamalaga i atunuu e 7 o le Pasefika ina ia malamalama i le tupuaga o musika ma mea faifaaili a atunuu.

O nisi o mea faifaaili ua mou atu ma nisi o loo faaaogāina pea i le taimi nei.

O le a iai Maiava i Samoa, Fiti, Vanuatu, Tonga, le Atu Kuki ma Niue faapea le Atu Solomona mo le faatinoina o ana su’esu’ega i lea lava mataupu e aofia ai ma le foafoa, lali ma isi mea faifaaili sa faaaogā e tagata mai le amataga.

Fai mai Maiava i le faatalanoaga ma le RNZ, a silasila tagata i le Pasefika i Saute, o ata o niu e faalala solo ma le sami lanumoana ma le ea mālū e oso ane i le mafaufau, peitai o isi vaega o atumotu o leo ma pa’ō, o le ata, pese ma faafiafiaga e ta’ito’alua ma mea faifaaili e iai sootaga ma le soifuaga i aso ta’itasi.

O le documentary poo le ata faasolo a Tauiliili ua faaigoa o le Instruments of the Moana o loo faamatalaina ai le i’uga o ana su’esu’ega i sea vaega tāua o le soifua o tagata. 

Puna o Faamatalaga: https://www.rnz.co.nz/international/pacific-news/532792/docu-series-instruments-of-the-moana-explores-legacy-of-pacific-musical-heritage