Ua faasolo nei su’esu’ega i se mataupu o loo aafia ai tagata faigaluega mai Filipaina, e su’esu’eina lo latou nonofo ai i totonu o containers ma le tulaga na faafaigaluega ai e se tasi o kamupani Aukilani. 

O le kamupani lenei ua gau, Stone Paving & Concrete Finishing Limited ma o loo tuua’ia e tagata faigaluega e to’aiva e le’i sa’o ona fai o latou totogi. 

O containers foi o loo nonofo ai nei i Takanini o lea na ofo fua mai e se tasi o tagata, ma ua faafetaia ai e alii nei le fesoasoani ona ua siitia ai mai taavale na momoe muamua ai. 

O loo matua’i teena e le pule o le kamupani tuua’iga a mea e le’i sa’o ona fai totogi o alii nei. 

Ua faamaonia mai ai foi e le matagaluega o pisinisi ma galuega o loo faasolo nei su’esu’ega faasaga i faaseā ua faaoo atu. 

E lē o faigofie itagata faigaluega Filipino le tulaga ua iai nei, e lē gata o le popole mai o aiga o loo i Filipaina ae o le leai o se tupe e toe faatalosaga ai nisi visa faigaluega. 

I le talanoa ai la i visa toe faatalosaga, ua saunoa le minisita ia Erica Stanford, e mafai lava ona faatalosaga ia ave le faamuamua ma faavavevave le faagaioiina o visa pe a faatalosaga ona o le tulaga ua iai nei. 

Puna o Faamatalaga: http://Filipino migrants in shipping containers, claim they were underpaid