Sa faapāpā laau malosi a o iai i sauniga o le maliu, e toe foi mai i le taavale e o ai ua pāpā pa’u.
O mea nei na tutupu ananafi a o agai ai tagata faigaluega i le toese e ave le pagota e auai i sauniga o se tasi o lona aiga na faia i le marae i Waikato.
I lipoti a leoleo o le toatele o i latou na auai i le sauniga o le maliu o sui o kegi.
O tagata faigaluega mai le toese i Waikeria lea na o ma le pagota, ma na faapāpā loa le laau malosi lea e faapea e lē faatasi, toe vave foi ane loa i le taavale sui o le aufaigaluega faatasi ma le pagota.
Peitai e o atu foi ua faapāpā ma pa’u o le latou taavale ma o lea na loka ai loa i totonu o le taavale ae valaau le toese mo se fesoasoani vave.
Na faamaonia mai e leoleo o lea na maua atigi ututau e latalata i le van a le falepuipui lea na o ai, ma o loo faia iai suesuega.
Ua faamautinoa mai ai foi e le toese i Waikeria, o lea lava na toe foi ane saogalemu ona tagata faigaluega faatasi ai ma le pagota.
Puna o Faamatalaga: Prisoner and corrections officers take refuge in van after shots fired | RNZ News
