Pe lata i le 35,000 tagata ua savalia le laumua o Niu Sila e faatatau i le pili, fai mai a latou o le a toe faaupu ai le maliega faavae a le atunuu ma tagata Maoli.

Ua faamaonia mai e leoleo lea faamatalaga ma o nisi na amata savavali ane mai se paka i Ueligitone aga’i atu i le maota o le Palemene.

O le pili lea o loo sa’ilia ai le toe faaliliuina o le Treaty of Waitangi ua 184 tausaga o iai i le va o Peretania ma tagata Maoli lea e aofia ai mataupu e pei o fanua ma aiātatau faaleaganuu.

O loo finau mai i latou e lagolago i le pili o le a mafai ai ii ona maua e tagata Niu Sila uma le aiātatau tutusa ma tagata Maoli.

E ui e to’atele e manatu o le a lē pasia lea pili ona o le lē lava o le lagolago mai paaga a le malo ae manatu nisi o le itu e faanoanoa ai ona o le aafia ai fua o tulaga tau sootaga i lanu.

O le ta’ita’i o le ACT, David Seymour sa ia faauluina le pili, ua lipotia le itagia e nisi i le faama’umau taimi ma le faatupu ane o feeseesea’iga i upufai o malo.

Puna o Faamatalaga: https://www.bbc.com/news/live/ckgrwem73gmt