Ua manumalo le alii faimeamālie poo le alii faafiafia foi o James Nokise i se tasi o faailoga mo le tausaga nei 2024 a le Topp Prize ma fai mai a ia talosia ia avea lea ma faamalosi’au i nisi.
O le faailoga lea ua tolu nei tausaga o faagasolo e faaigoa o le Topp Prize e amana’ia ai tagata ta’ito’atasi i lea foi matātā ma una’ia ai i latou ia atili aga’i i luma i le latou galuega.
O le mau a Nokise o ia e talanoa i ana uō i le Pasefika ma le faamoemoe ia tele nisi taleni mai le Pasefika e faaosofia ai e lē gata i le faimeamālie, ae faapea foi i le itu tau faasalalauga.
E tele isi faailoga na maua muamua e Nokise i le auaunaga lava lea ma o se alo foi o Samoa ma Niu Sila ma e iai ona tupu’aga mai Uelese e pei ona faailoa e le RNZ.
Puna o Faamatalaga: https://www.rnz.co.nz/news/national/536566/comedian-james-nokise-wins-2024-topp-prize
