O le a moomia faamaoniga o siaki e negative o le Koviti mo pasese mai le United
Kingdom ma Amerika ae e le I feosofi I luga o vaalele.

O le aso ananafi na faalauiloa mai ai e le malo lea faaopoopoga fou, ma e tatau ona I
totonu o le 72 itula e le I faimalaga ese mai.

Saunoa foi le minisita o le Koviti, Chris Hipkins a’o faalauiloa ai lea suiga fou ananafi,
o loo faia foi galuega e faalautele atu lenei faaopoopoga I isi malaga uumi e agai mai I
Niu Sila.

O le vaiaso talu ai lea faailoa mai ai foi le faaopoopo o le isi siaki o le Koviti mo I latou
e malaga mai I atunuu nei ua pepesi ai le siama fou o le Koviti.

Saunoa foi le minisita e le o galo I le malo o le faia o lenei siaki o le Koviti ae le I tuua
atunuu o loo sasao ai le siama fou o le Koviti o se isi lea avega I pasese faimalaga mai,
peitai o se faaiuga e mo le saga faamausali o loo malu Niu Sila mai soo se ituaiga
Koviti ua salalau.

Ese mai I pasese femalagai, ua galulue foi le malo ma kamupani vaalele aua le
faalauteleina o lenei faaopoopoga.

E aloaia lenei suiga amata atu I le Aso Faraile o le vaiaso o I luma, 15 o Ianuari 2021