O le ta’ita’i o le Malo o Tuvalu ma le Failautusi o Malo o le Taupulega na muamua taunuu i Samoa i le Aso Sa mo le auai i taualumaga o le fono a Malo o le Taupulega, lea o le a feiloa’i muamua ai ta’ita’i o Malo laiti o le Pasefika i se latou fonotaga e faamautū ai ni mataupu o le a folasia i le fono autū a ta’ita’i o Malo o le Taupulega.
O le tamaita’i Palemia le afioga Fiame Dr Naomi Mataafa sa faafeiloa’ia le taunuu o le Palemia o Tuvalu ma le tamaita’i Failautusi o Malo o le Taupulega.
O le Aso Gafua le amataga o lenei vaiaso o le a amata faagasolo ai nisi o faatasiga ua aofia i le polokalame e pei o le fono mo mataupu tau tina ma tamaita’i le Women’s Forum, ma le fono i mataupu tau tupulaga talavou le Youth Forum.
Ua faailoa e le ta’ita’i o le tatou Malo i le tamaita’i Palemia e 4,240 tagata ua mae’a ona lesitala e auai i le fono ma ua aofia ai ta’ita’i o malo ma latou usugafono mai atunuu Asia, Aferika, le Atu Kerepeane, Europa ma le Pasefika.
O se vaega o le saunoga faalaua’itele a le afioga i le Palemia, Fiame Dr Naomi Mataafa, i se feiloa’iga ma tusitala i le Aso Faraile ua mavae.
