E alafai mai i lenei taeao ua leai se fale a le kalapu lakapi liki a Malisi, Marist Saints ona o lea ua lepetia e le afi.

O le fale fogafalelua lenei a le kalapu i Range View Rd i Mt Albert e taunuu atu le ofisa o le tineimu i le vaveao analeila ua tele ina mu uma le tino o le fale.

Na vave ona faafesootai e le toatele o tagata le tineimu ma e lē gata o sui o le ofisa mai Avondale lea na vave ane iai ae faapea foi isi ofisa tineimu ona o le malosi o le afi.

E ‘afa ane le 5 i le taeao nei ua tuua e taavale fuimu tetele na fuia mai le vanimonimo ae totoe ai na o le aufaigaluega o loo tineia pea nisi o totoga o le fale o loo mumū.

O se faanoanoaga i le lakapi liki le mu ai o lea fale ua silia ma le 100 tausaga lona matua aemaise o le tele o mea e manatua ai.

O loo faaauau suesuega o le mu i le asō.