Ua molimauina i luga o upega tafailagi le salalau ai o saafiafiga a le toatele mo le alii Satini ia Mamea Solimalo Paō Peniamina Pelite, na maliu i se faalavelave na tulai mai i Fasitoo Uta.  

E lē gata i le lolofi ai o tagata i luga o upega tafailagi e faaalia o latou loto faanoanoa ona o le tala ua oo atu ae sa faapena foi ona faailoa mai e ala i se pepa o faamatalaga i luga o fesootaiga televavave le tuuina aloaia mai ai o se faamaisega a le Matagaluega o Leoleo mai le Atu Kuki e tauala atu i le Sui Komesina o le Matagaluega, Akatauira Matapo.

I lea pepa o faamatalaga mai le atumotu na faaupu faapea:

“Our deepest sympathies and prayers go out to Detective Sergeant Perite’s family and friends, at this time of great sorrow. We also stand by our Police colleagues in Samoa in expressing our condolences, as they too endure the pain of this tragic loss.” AC Matapo.

O le aoauli o le Aso Lua na faamauina ai le pu’e ma maua ai e leoleo le alii o loo masalomia na fasiotia le alii leoleo e ala i le faaaogāina o se laau malosi.

Ua faamaonia le faatino ai o se sauniga faapitoa mo le alii malu o le malo, e manatua ai le tautua na ia faatino mo Samoa.