Ua faamatala e se tasi o tuaoi o le tagata lea na maliu mai i Pakuranga i le aso ananafi, na te iloa lē ua maliu o se grandfather e agaalofa.

Ua faailoa e leoleo ua amata le suesuega ae o si tamā e pei ona ta’ua na maua atu o faamanu’alia i totonu o se taavale i le taeao ananafi ma maliu ai lava mulimuli ane.

O le tuaoi sa talanoa i le RNZ e alala i Pixie Place e lata ane i le mea na tupu ai le faalavelave ma sa ia faailoa o lē ua maliu ua litaea ma e aumau ai i lea faaitu ma e masani ona vaaia o fai ana togalaau ma taaalo ma ana grandchildren.

O le suesuega o loo faaauau ae ua faailoa e tuaoi ua iai ma le popolega i le saogalemu o fanau aemaise o i tonu e iai le Elm Park School ma o se auala pisi foi i le taimi o a’oga.

Fai mai molimau e faalima ona pā a’e le fana i le taeao ananafi ae i nai minute mulimuli ane na aga’i atu leoleo ma iloa ai lē ua maliu o loo faamanu’alia i totonu o se courier van.

Ua ta’ua i isi lipoti o se tamā mai Tonga.

Puna o Faamatalaga: https://www.rnz.co.nz/news/national/525620/pakuranga-fatal-shooting-victim-s-neighbour-baffled-over-why-kind-grandfather-was-killed