O le a lē galo le soifua o tautua o le afioga Tuisugaletaua Sofara Aveau, a o avea ma tagata faigaluega a le Malo i le tele o tausaga, faapea lana tautua i upufai o le Malo e ala i le tofi Faipule o le Palemene ma avea ai ma Minisita o le Kapeneta mo paeaiga sosoo e tolu i le aofaiga e 15 tausaga o auauna i le Malo e ala i upufai.
O le tamaitai Palemia le afioga Fiame Dr Naomi Mataafa sa avea ma sui o le Malo e molimau i le soifua galue o lea taitai o le malo ma le atunuu, i le sauniga lotu faaiu na faia i le malumalu o le ekalesia faapotopotoga kerisiano i Fagalii.
Manuia lau malaga lau afioga Tuisugaletaua Sofara Aveau o ia o se tasi o fatu pese lauiloa.
E siufofoga malie ma sa lauiloa i le aufaipese o le Maatulua mai Fagalii.
