O le asō lea ua faamauina ai le tula’i o se tamaitai i le faamasinoga, o loo tuua’ia i lona asuina o ni vailaau oona poo se acid i se alii i Ueligitone.
Ua faamauina i lenei matāupu, na faanatinati ane fesoasoani muamua, poo le Emergency Services ina ua valaau ane lo latou ofisa mo se fesoasoani, i le tuātusi i Sim Street Johnsonville i le Aso Lua pe tusa o le te’a o le itula e 11 i le po.
Ua ta’ua i lipoti, na āfaina le aao o le alii o loo aafia i le matāupu ma na mafai ona fesoasoani iai i latou na aga’i atu o fesoasoani muamua i lea po.
O lē ua molia o se tamaitai e 51 tausaga o le matua mai Johnsonville lava, ma ua molia i lona asuina o le vailaau oona (acid), ma na ia faia ma le faamoemoe e faamanu’alia ai se tagata.
E tula’i lea tamaitai i luma o le Faamasinoga Faaitumalo i Ueligitone.
Puna o Faamatalaga: https://www.rnz.co.nz/news/national/559456/woman-charged-with-throwing-acid-at-man-in-wellington-gets-name-suppression
