Ua molia nei i le fasioti tagata se tamaita’i ina ua maua le tinomaliu o lona toalua e le la tama i se fale i le itu i matu i sisifo o Sini. O Nam Suk Back, 60 tausaga e iloa foi i lona igoa o Su Park ua fetauaina sa ia faaaoga se samala e faaoo ai le oti i lona toalua o Kevin Park.
Ta’ua e le 9news o le la tama e igoa ia John na ia maua atu le tino maliu o lona tamā ma valaau ai loa leoleo. Pu’eina e leoleo lona tina i se fale i Damon Ave i Epping i le taeao o le Aso Toonai na tea nei.
E aumau faatasi le ulugalii ma le la tama lea, peitai ua ave atu le tamaititi i ona tauaiga ao faia suesuega a leoleo, ave le tina i le ofisa o leoleo i Gladesville na fesiligia ai ma fai ai loa ma moliaga o le fasioti tagata. Faate’ia o latou tuaoi i le mea ua tupu ma o loo te’ena le tatala i tua o le tina ae e tulai i le faamasinoga i le masina fou.
Puna o Faamatalaga: https://www.9news.com.au/national/epping-woman-arrested-after-mans-body-found/126c6b91-35ef-4a78-9e14-f28841d97c4b
