E 77 tausaga o se tagata Niu Sila ua molia i le aveina atu o fualaau faasāina e 2 kilo i Ausetalia feta’ua’ina sa aveina atu i lana atopau ma ui atu i le malaevaalele i Melepone.
Lipotia e le Stuff o le tamā lea na agai atu i Melepone ma Thailand i le Aso Lulu o le vaiaso nei ma maua ai e le Borderforce a Ausetalia fualaau faasāina ia ua nanā atu i le lining o lana atopau.
Na tulai i le faamasinoga i le vaiaso nei ma o loo taofia i le vaaiga a leoleo ae o le faasalaga aupito malosi mo lea ituaiga soligatulafono e soloatoa i le falepuipui.
Ua faamaonia mai foi e le matagaluega o le va i fafo a Niu Sila ua o latou iloa lipoti e faatatau i le tagata Niu Sila lea ua pueina i Melepone ae lei iai se talosaga ua tuuina atu mo se fesoasoani tau konesula i le mataupu
