Tulai I luma o le faamasinoga I le vaiaso nei le alii e suafa ia Adam Terei 36 tausaga e tali I moliaga e faatatau ise faalavelave na faamanualia ai se malu o le malo ao feagai ma se vevesi na tulai mai ile ogatotonu o Aukilani.
O moliaga e faatatau I le faaoolima ile malu o le malo ma e ono falepuipui ai I le oo atu I le tolu tausaga pe a faamaonia.O loo molia foi I le tetee atu I leoleo . I lipoti mai se tasi o sooupu a leoleo I le mataupu lea ua taua ai o le malu o le malo na aafia na osofai mai I le pito I tua ao feagai ai ma le tau taofiofia o se vevesi na tupu I K Road I le aso sa I le vaveao.
Na aveina atu le malu o le malo I le falemai e fai si ogaoga o manuaga. O lea ua faailoa mai I le aso ua toe faatulaga e toe tulai Adam I le faamasinoga I le aso 12 o Iulai.
