E 22 tausaga le matua o le alii ua molia nei e leoleo i Porirua ona o le mataupu ua ta’ua ai le iai o ni manuaga i se pepe e na o le tolu masina le matua.
O le mataupu na tupu i Titahi Bay i Porirua i le faaiuga o le tausaga na tea ma sa lipotia atu foi e talafou, ma o le pepe na ave ane i le falemai i Kenepuru i le afiafi a o lumanai le tausaga fou ae mulimuli ane toe ave i le falemai i Ueligitone e vaaia ai e se fomai faapitoa, specialist.
Na faamatala e leoleo o le pepe ua ono nei masina ma sa iai ona manuaga i vaega e iva o lona tino.
O le alii la lea e 22 tausaga ua molia nei i le faaoo manua ma o le aso ananafi na tulai ai i luma o le faamasinoga i Porirua.
O loo tausia nei le pepe e tagata o lona aiga. E le o ta’ua pe iai se faiā a le pepe ma lē ua molia.
