Ua faia moliaga i le tamaitai 19 tausaga lea sa faaaliali solo le fu’a a le Hezbollah i le solo tetee sa faia i SIni i le faai’uga o le vaiaso.

Sa faalauiloa e leoleo le ata o lea tamaitai ma talosagaina ai le fesoasoani a le atunuu.

Fai mai poo le ta o le 10 i le taeao ananafi ae aga’i atu i le ofisa o leoleo i Kogarah ma pu’e ai loa e leoleo ma molia i le faalauiloaina faalauaitele o faailo a se faalapotopotoga faatupu faalavelave.

Na tatala i tua ma tuutuuga ma o le a tula’i i le faamasinoga i le aso 23 o Oketopa.

Fai mai le Australian Federal Police o loo latou su’esu’eina foi se isi mataupu tali tutusa o loo ta’ua ai foi le vaaia o fu’a lava ia a le Hezbollah i rally i Sini ma Melepone.

O Ausetalia ma isi atunuu e pei o Amerika, UK, Kanata, Iapani ma isi latou te lisiina le Hezbollah o se faalapotopotoga faatupu faalavelave.

Puna o Faamatalaga: https://www.9news.com.au/national/sydney-police-seeking-woman-over-alleged-banned-symbol-at-protests/e2a98113-0f46-4f77-91d4-814cce6cb898