Ua faamaonia mai e leoleo o lea ua molia le tamā 34 tausaga ona o le maliu o le pepe i le aso o le Tausaga Fou i Hamilton.

O le osofa’iga lenei ua maliu ai le pepe, ae taofia tigaina le isi tamaitiiti ma le tina o tamaiti i le falema’i.

O lē foi ua molia o lea o loo taofia pea nei i le falema’i i lalo o vaavaaiga a leoleo ma o le aso 4 o le masina fou lea ua ta’u e tu ai e tali i ona moliaga o le fasioti tagata.

O le aso ananafi na toe foi ai leoleo i le fale na tupu ai i Fairfield mo su’esu’ega faaauau atoa ai ma le faatalanoaina o aiga tuaoi.

Mai leoleo ua toe faamanino i tagata lautele e leai se mea e faapopoleina ai ma e le o iai foi se tulaga e lamatia ai ona o lenei mataupu ogaoga.

Puna o Faamatalaga: Man charged with murder of baby after Hamilton stabbing | RNZ News