E 70 ma ona tupu le matua o tausaga o le tamā ua molia nei i le fasioti tagata e tusa ma le maliu o le tina na maua ananafi i Kalaiesetete.
E tusa o le lima i le afiafi lea na maua le valaau i le telefoni ma amata su’esu’eina loa le maliu o le tina o se tasi na faaoo iai e se isi le oti.
I lipoti mai leoleo i le afiafi lava ananafi o lea na saisai mai ai lē ua molia nei ma e lē o iai foi se isi ese o sa’ili e leoleo ona o lenei mataupu.
O loo faasolo su’esu’ega i le fale o le tina ua maliu ma o le a iai pea leoleo i lea nofoaga i le vaiaso nei.
Ae mo lē ua molia i le fasioti tagata, e tula’i i luma o le Faamasinoga Faaitumalo i Kalaiesetete i le taeao nei.
Puna o Faamatalaga: Man in 70s charged with murder after woman’s death in Christchurch (1news.co.nz)
