O se tagata o loo feta’ua’ina na amataina se kegi i Sini ua molia nei i le aumaia o le silia i le $6 miliona o le tau o le aisa i le aai.
Fai mai le 9News o le faiga o se su’esu’ega na amata ia Iuni ua feta’ua’ina ai le maua o faamaoniga e iloa ai e 21kilo o le aisa poo le meth sa aumaia i NSW e le tagata e pei ona ta’ua.
Fai mai na pu’e e leoleo se alii e 33 tausaga mai se kapaka i Condell Park poo le 5 i le vaveao ananafi, molia ma tulai ai i le faamasinoga.
Ta’ua e leoleo o lea tagata o se sui faavae o le kegi a le Inner West Brotherhood ma o ia lea sa faatulagaina uma le aumaia o fualaau faasāina i Sini mai se atunuu i Amerika tutotonu.
O loo faia pea le su’esu’ega.
Puna o Faamatalaga: https://www.9news.com.au/national/alleged-founding-member-gang-inner-west-brotherhood-arrested-meth-import-sydney/32353fdd-99e2-43ae-baa7-8ac803e4e1a0
