Ua faamaonia mai nei le ave ai o se tagi a le Komisi o Pisinisi a Niu Sila, faasaga i le kamupani o le Woolworths NZ.
Ua māua i lipotii, ua tuua’ia e le Komisi le kamupani, ona e faapea e lē moni ma sa’o tau o oloa a le Woolworths ma ua o latou faia ni faalauiloa taufaasesē, ma i le vaai a le komisi o pisinisi ua solia ai e le kamupani lenei le tulafono o fefaataua’iga.
Ta’ua i lipoti, na māua ai ua faatino foi moliaga faasaga i le Woolworths ona ua maitauina le lē faamaoni ma lē manino le tele o vaega o supamaketi o lea kamupani.
Na ta’ua e le Sui Ta’ita’ifono a le Komisi o Pisinisi, Anne Callinan e tatau lava ona tali faleoloa nei i le matāupu ua alia’e mai aemaise, ona ua lē ausia aiaiga ma ta’iala ua faatulaga mo nai tagata faatau.
Na māua foi le tali ane o le Woolworths i tuua’iga, ma ua faamanino mai o loo latou galulue nei i lea matāupu, ma ua o latou faailoa o loo faatumauina pea lo latou uia ai o aiaiga ma ta’iala o le faatino lelei o tau o oloa mo tagata faatau.
Puna o Faamatalaga: https://www.1news.co.nz/2025/05/06/charges-filed-against-woolworths-over-pricing-misleading-specials/
