E na o le 19 tausaga o se tamaitiiti ua molia e leoleo i le fasioti tagata i le mae’a o se faalavelave na tatui ai, tulou se tamā matua e 81 tausaga o lona soifua, ma maliu ai lava i totonu o lona fale i Perth i le aoauli ananafi.
O loo ta’ua o Colin Norton, le tamā ua maliu, ma si ona toalua o Maggie sa iai i lo la fale i Greenwood ae osofaia loa e le 19 tausaga lea ma ia faaoolima ai i le ulugalii ma toe sola ese.
Na maliu si tamā matua ona o manu’aga ae o si ona toalua na faavave atu i le falemai i Perth lea o loo taofia ai.
E talitonu leoleo o le alii lea e masani ma se tasi alii e aumau i le fale lava lea e tasi.
O le asō ua fuafua e tulai ai le 19 tausaga lenei i le faamasinoga.
