O le asō ua molia ai e leoleo ni alii se toatolu e feta’ua’ina e mafua i moliaga o se kegi, freelance gang na totogi e faatino le tafanaina ma le osofa’ia o ni fale ma le avefaamalosia o nisi i le itu i Saute i Sisifo o Sini.
E toalua alii ta’i 20 tausaga mai Fairfield West ma Mt Druitt ma le isi e 18 tausaga mai Lakemba ua pu’eina e leoleo mai osofa’iga na faia ananafi.
Ia latou suesuega na iloa ai e le ausuesue ma aveina se vaega o le fualaau o le ketamine, o ni masini eletise, naifi ma auupega faapea foi ma tupe ma isi aitema e foliga na gaioia mai i le osofa’iga o se fale i le aso 14 o le masina nei lava.
Ua pu’eina i latou ia i le mae’a o le suesuega sa fai faatasi a leoleo NSW ma le Strike Force Currambene i ituaiga mataupu faapea.
O moliaga la ua faia ia i latou ia ae fai mai leoleo o le alii mai Fairfield West e ta’ita’ia le kegi lea ma latou te taliaina galuega mai le ausolitulafono e galulue faatasi poo organised crime networks.
Puna o Faamatalaga: https://www.9news.com.au/national/police-charge-three-men-in-sydney-muscle-gang-bust/a038a87d-87b7-4971-88d6-34f2e6e7f2a6
